«Ерен Елбасы — Кемел Көшбасшы» көрмесі тәуелсіздік жылдарынан бүгінге дейін еліміздің тұрақты дамуына негіз болып келе жатқан Мемлекет басшысының саясаты мен идеясының айналасына қоғамды топтастыруды көздейді.
— 2012 жылдың 1 желтоқсанынан бері елімізде ҚР Тұңғыш Президент күні аталып өтіп келеді. Бұл күн Қазақстанның Тұңғыш Президентінің республика алдындағы ерен еңбегін лайықты бағалау мақсатында бекітілді. Таңдау бұл күнге тегіннен-тегін түскен жоқ. 1991 жылғы 1 желтоқсанда бүкілхалықтық Президент сайлауы өтті. 1991 жылғы желтоқсанның алғашқы күндері Қазақстан үшін сындарлы әрі тағдырлы болды. Себебі сол кезде тәуелсіз республиканың даму жолы айқындалды. Қазіргі таңда Қазақстан халықаралық қауымдастыққа өркениетті, демократиялық мемлекет ретінде танылып отыр. Осы жолдағы барлық бастамалар ҚР Тұңғыш Президенті Н.Ә.Назарбаевқа тиесілі, — деді.
Көрме № 1 уақытша көрме залында үстіміздегі жылдың 25 қарашасы мен 25 желтоқсаны аралығында өтеді.
Көрме барысында Қазақстанның сыртқы, ішкі саясаттағы жетістіктері мен Мемлекете басшысының басқаруымен республикамыздың алдағы уақыттардағы көп қырлы дамуы көрсетілетін болады.
Олжас БЕРКІНБАЕВ
Суреттерді түсірген автор және Ғабит МАДАЛИЕВ
