Алғаш рет жаңа әнұран ресми түрде 11 қаңтарда, Ақорда сарайында Қазақстан Президенті Нұрсұлтан Назарбаевтың қызметіне кірісуінің салтанатты ұлықтау рәсімінде орындалды. Нұрсұлтан Әбішұлы Назарбаев Қазақстан Республикасының қолданыстағы әнұран мәтінінің бірлесіп жазған авторы. Әнұранды тыңдау ережесі де өзгертілген болатын. Енді ресми салтанатты шараларға қатысушылар әнұранды орындау барысында, орнынан тұрып, оң қолының алақанын омырауының сол жағына қойып тыңдайды.
