ҚҰРМЕТТІ ОҚЫРМАНДАР!
Конкурстың мақсаты:
Қазақстан Республикасы Тұңғыш Президенті күні мемлекеттік мейрамының танымалдылығын арттыру.
Конкурс қатысушылары
Конкурсқа 5 пен 30 жас аралығындағы Мемлекет басшысымен аттас жастар қатыса алады.
Конкурсты өткізу мерзімі мен кезеңдері
Эсселер конкурсы 2015 жылдың 10 қараша мен 30 қараша күндері өтеді және екі кезеңнен тұрады: І кезең (2015 жылдың 10-28 қарашасы) – жұмыстарды қабылдау; ІІ кезең (2015 жылдың 1 желтоқсаны) – қорытындылау, жеңімпаздарды анықтау.
Конкурс қорытындысы 2015 жылдың 1 желтоқсанында жарияланады.
Конкурсты өткізу тәртібі
Конкурсты «Қазконтент» АҚ өткізеді. Қатысушылар саны шектелмеген. Жұмыстар мемлекеттік және орыс тілдерінде қабылданады. Әрбір қатысушы тек 1 ғана жұмыс өткізе алады. Жеңімпаздарды ұйымдастырушылар тобының мүшелерінен құралған біліктілігі мол қазылар алқасы анықтайды.
Қатысушылардың эсселері Еl. kz, Е-history. kz, Аdebiportal. kz веб-порталдарында жарияланатын болады.
Жұмыстарды конкурсқа өткізу ережесі
Эссе жұмыстары электронды нұсқада news@el.kz поштасы арқылы қабылданады. Хаттың тақырыбында «эссе конкурсы» деп жазылып, хат мәтінінде автордың аты-жөні болуы тиіс. Эссенің басында: жұмыстың атауы, автордың аты-жөні, электронды поштасы көрсетілуі қажет. Конкурсқа жіберілген эсселер келесі талаптарға сәйкес болуы шарт: конкурс тақырыбына толықтай сай келу, Times New Roman қаріпі 14, жұмыс көлемі екі парақтан аспауы аспауы тиіс, жол аралығы – дара, парақтың өлшемдері: сол жақтан 3 см, қалған жақтарынан 2 см. Эссені тапсырудың соңғы күні – 2015 жылдың 28 қарашасы.
Конкурстық жұмыстарды бағалау критерийлері
Жұмыстар келесі критерийлер бойынша анықталады: конкурстық жұмысты рәсімдеу талаптарына сәйкестілік; мазмұндылық; тақырыптың тереңінен ашылуы, шынайылылық, бірегейлік.
Жеңімпаздарды марапаттау
Конкурс жеңімпаздары (ең үздік үш жұмыстың авторы) «Қазконтент» АҚ дипломдарымен және құнды сыйлықтармен марапатталады.
Байланыс телефондары: +7 (7172) 79-82-29 (ішкі 158), 87012488690
Е-mail: news@el. kz
