1994 жыл –29 наурызда Қазақстан Республикасының Президенті Нұрсұлтан Назарбаев Ресейге ресми іс-сапармен барғанда, алғаш рет М.В. Ломоносов атындағы Мәскеу мемлекеттік университетінде мемлекеттердің Еуразиялық одағын құру идеясы жайында сөз сөйледі.Жаңа интеграциялық бірігу – Еуразиялық Одақ деп аталды.
1995 жыл –қаңтарда Беларусь Республикасы, Қазақстан Республикасы және Ресей Федерациясы «үштігі» Кедендік одағы туралы Келісімге қол қойды, бұл субъектілер тараптарына еркін тауар айырбасын, адал бәсекелестікті қамтамасыз етті.
1996 жыл –Беларусь Республикасы, Қазақстан Республикасы, Қырғыз Республикасы және Ресей Федерациясының президенттері экономикалық және гуманитарлық салаларда интеграцияны тереңдету жайлы Келісімге қол қойды.
1999 жыл –Беларусь, Қазақстан, Қырғыз Ресубликасы, Ресей Федерациясы мен Тәжікстан Республикасының президенттері Кедендік одақ және Бірыңғай экономикалық кеңестік жайында Келісімге қол қойды.
2000 жыл –Мемлекетаралық интеграциялық бірігуді құру туралы Келісімнің жобасын дайындау шешімі қабылданды. Еуразиялық экономикалық қауымдастық құрылды.
2003 жыл –Бірыңғай экономикалық кеңістікті құру туралы Келісімге қол қойылды.
2006 жыл –мемлекет басшылары, ЕврАзЭҚ мүшелері «үштік» форматында Кедендік одақты құру бойынша жұмысты жандандыру туралы шешімі қабылданды.
2007 жыл –Душанбе қаласында бірыңғай кедендік аумақты құру және кедендік одақты қалыптастыру туралы Келісімге қол қойылды, экономикалық интеграцияны белсенді дамыту – міндеті қойылды.
2008 жыл –Дағдарысқа қарсы қорды және жоғары технологиялар Орталығын құру шешімі қабылданды.
2009 жыл –Қауымдастықтың мемлекет басшылары ЕврАзЭҚ Дағдарысқа қарсы қағидаттары мен мақсаттарын қабылдады, оның мөлшерін 10 миллиард доллар баламасында анықтады.
2010 жыл –Кедендік одақ жұмыс істей бастады,бұл «үштік» аумағындағы тауарлар мен қызметтердің бөгетсіз қозғалысын қамтамасыз етті.
2011 жыл –«интеграциялық үштік» мемлекеттерінің президенттері Еуразиялық экономикалық интеграция және Бірыңғай экономикалық кеңістікке ауысу туралы Декларацияға, Еуразиялық экономикалық комиссияны құру туралы Келісімге қол қойды.
2012 жыл –Бірыңғай экономикалық кеңістіктің құқықтық негізін құрайтын халықаралық келісімдер күшіне енді. Еуразиялық экономикалық комиссия өз жұмысын бастады.
2013 жыл –Еуразиялық экономикалық одақ туралы Келісім жобасына дайындық.
