Ескерткіштің ашылуына Ақтөбе қаласының әкімі Ерхан Омаров, Т.Ахтанов пен Қ.Шаңғытбаевтың туыстары мен жақындары қатысты.
Ақтөбеде драма театр саябағында қазақ әдебиетінің
классиктері - ҚР халық жазушысы, драматург Тахауи Ахтанов пен халық ақыны,
драматург Қуандық Шаңғытбаевқа арналған ескерткіштің салтанатты ашылуы болды,
деп хабарлайды inform.kz.
Қола ескерткіш екі мүсін түрінде жасалған. Драматург Т.Ахтанов орындықта отыр, ал оның жанында досы әрі жерлесі, ақын Қуандық Шаңғытбаев тұр. Ескерткіштің ұзындығы 6,5 метр. Бұл еңбектің авторы жас та болса кәсіби ортада танылып үлгерген мүсінші Жеңіс Жұбанқосов.
Ескерткіштің ашылуына Ақтөбе қаласының әкімі Ерхан Омаров, Т.Ахтанов пен Қ.Шаңғытбаевтың туыстары мен жақындары қатысты. Ескерткіштің ашылу салтанатынан кейін гүл шоқтары қойылды.