Түргештер қағаны Сулық арабтарға қарсы батыл да табанды әрекет етті. Арабтар оған сол әрекеті үшін Әбу Музахим (Сүзеген) деген лақап ат берді.

Сулық арабтармен соғыста Тохаристанға дейін жеткенімен, соңынан жеңілді. Суябқа қайтып келген соң ол өз әскербасыларының бірі Баға Тархан қолынан қаза тапты. Сулықтың өлімінен кейін "сары" және "қара" түргештер арасында билікке таласып ұзаққа созылған күрес басталды. 

Қытай империясының Шығыс Түркістандағы өкілі өз әскерімен Суяб қаласын басп алып, талқандады. Шаш қаласының қожасы өлтірілді.