Кеңес билігі кезіндегі қазақ мәдениетінің жетістігін паш еткен қазақ өнері мен әдебиетінің Мәскеудегі онкүндігі. Ол Үлкен опера театрының сахнасында "Қыз Жібек" қойылымымен ашылды. Композиторы -  Е. Брусиловский. Либретто авторы  – Ғ. Мүсірепов. Онда бас партияны К. Байсейітова орындады. 

Бірқатар жоғары оқу орындарында ғылыми орталықтар жасақталды. Геологиялық және биологиялық ғылымдардың нәтижелері, тарихшы С.Д. Асфендияровтың, филолог К.К. Жұбановтың жарияланымдары, сондай-ақ профессор А.Н Сызғановтың зоб эндемиясын зерттеу және емдеу туралы еңбектері бүкілодақтық танымға ие болды.