Қазақ прозасының басында кімдер тұр? Аталған жанрдағы алғашқы туындылар қандай? Әдебиет зерттеушілері прозалық шығармаларды ерте замандарға апарып тірейді. Ол заңды да. Сонау көне заманда тасқа басылған жырлар, «есте жоқ ескі замандардағы» дастандар, ежелгі дәуір ғалымдарының еңбектері –бәрінің бастауында тұр. Одан кейінгі Абай жазған өлең-жырлар, ғақылия сөздері. Ыбырай Алтынсариннің оқулығындағы әңгімелер, Шоқанның жазбалары біздің жазба әдебиетіміздің негізін қалады.